Saturday, May 21, 2005

بلا عنوان

يانفس ورى الزمن عليج دار
صرتي غريبه لاعرفج ولا تعرفيني
خليتيني محمل متروس اسرار
آه لويحسون بعض البشر فيني
ذبحني الشوق لأهل الدار
وين الذي يدورني ويبيني
ضايع مابين السوالف والأفكار
هواجيس ارجوج يانفس صارحيني
هل آنا ضرير واصمخ مايدري شصار
ولا بيدي ضيعت سنيني
ياترف الحشى انا بداخلي نار
وإنت الوحيد إلي تداويني
دواي عندك لا تخلق اعذار
إسمع صدى صوتي وأنيني
أنا عزيز النفس مو راعي أوكار
والدنيا الحلوه حشى ماتغريني
ولاني من إلي يخلقون أعذار
حبك بداخلي مكنون وصورتك بعيني
إنفض هم الزمن والأمرار
وشوف سوات الدهر فيني
والروض مايجيك منه غبار
خوفك من إلي فرق بينك وبيني
تذكرتك يوم سلبت الأنظار
تذكرت السوالف إلي بينك وبيني
سيدي يانسل الأخيار
أنا اسد ضيعت عريني
والقلب إن شلع عن الجسد وطار
تراه بِحط عند عاقد الحاجبيني
إن سمعت عني وشاعوني بالأخبار
إعرف ترى جرحك صار جرحيني
**********************
وسلامتكم وتيعشون

4 comments:

EsTeKaNa said...

ماشللله قمة بالروعة والصدق:)
عسى الله يحفظك من كل شر

أنا عزيز النفس مو راعي أوكار
والدنيا الحلوه حشى ماتغريني
ولاني من إلي يخلقون أعذار
حبك بداخلي مكنون وصورتك بعيني
اعجبني التأكيد...رغم عزة النفس هناك حب في القلب:)

استمر بروعتك:)

فارس هوى الكويت said...

منوره
اختي مشكوره على هذا الاطراء الجميل
جداً
واسأل الله ان يحفظج وي سهل دربج
آمين
:)

إن شاء الله :)

otuydbvckblkh said...

صح لسانك فارس :)

طولت علينا و ما توقعت بلقى هالكلام الحلو لما دخلت

و الله مادري شقولك :) الكلمات روووعة و احسها طالعه من القلب

فارس هوى الكويت said...

q8-leo
اختي هذا من بعض ماعندكم
جزاج الله الف خير على التعليق الحلو
ومشكوره :)