Friday, February 20, 2009

بلغيه يا حماما

آه من رمش رماني بسهاما
نبر قلبٍ كان بثرى مدفون

أبات ليلي مولعٍ بالهياما
و شلون يتهنا كل مطعون

لا هنا روحٍ ما تناظر سيد الكراما
عزاه إن كان عقلٍ فيه ممنون

له ضحكتٍ تشيل الهم و السقاما
و مالوم كل من بحبه صار مفتون

مسلهمٍ لا تنشدوني على ما
أبا تذكر عينٍ طارت بعقل مجنون

ليت الهوى ينشد عن مستهاما
هو روحي وان بغاها له تهون

سلامي لخلي بلغيه يا حماما
و خبريه عن عشقٍ بات مكنون
.....................................................................
وسلامتكم وتعيشون

Sunday, November 02, 2008

صدى

عزي لحال باحت بشكواها

سبت حسين خطف قلبٍ لي

نحت نوح الورق وبالعين جزواها

لا هنا عين ما تناظر صاحبٍ لي

ريم يهل صافي الدمع بطرواها

عزاه واليوف فيه نار تِصِلي

أسمع يا خوي ونتي تشكي ماياها

من جور ربعٍ حرموني ضحكةٍ لي

ليت روحٍ هادم اللذات خذها

ولا فراق سيد العذارى خلي

حسبي الله وكل نفس تلقى جزاها

لوما الملامه جان صحت من زود غلي

أشهد إن النفس صامت عمن سواها

صدى صوتي لويسمعه الميت يهلي

يارب ترحم جروح باحت أبلواها

وتخفف على قلب ساجدٍ يصلي

و الخاتمه اصلي على المصطفى طه

عدد كل سجده سجدها مصلي

.........................................................................................

وسلامتكم وتعيشون

Wednesday, October 15, 2008

مساجلة بالصدفة

محاولة مساجلة بيني
وبين صديق عزيز ( بو أحمد ) يات بالصدفة
دزلي رسالة من كلمات الشاعر الكبير فهد بورسلي رحمة الله عليه
وبعدها رديت عليها
و فاجئني بو أحمد يرد علي هالمره بس من كلماته
على فكره لا بو أحمد يدري اني اكتب ولا ادري انه يكتب
يقول بو أحمد في الرساله الأولى من كلمات فهد بورسلي


يا الله تجبر خاطر المكسور
مابات مرتاح ولا ليله
شفت الهوى مابه فرح وسرور
حياتنا بالغي وشهي له
أنا كسر عيني شعاع النور
في غرته شبت جناديله



ورديت :
أنا الذي بعين الغضي مسحور
أبات أدعي له كل ليله
بهوى الخلان يا بو أحمد أنا مجبور
وش حيلة من فارق خليله
مملوح والويه تقول صحن بنور
شدهني وضاعت بي الحيله


ورد بو أحمد :
مسكين طلاب الهوى مجبور *
ضاعت بك التدابير و الحيله *
دين علي المولع مكتوب *
مالنا فيه يا صاحبي حيله *
يا الله ترحم وليف مسحور *
ويهنا بوصله ولو ليله


ورديت :
طريح الهوى تراه معذور
مولع صدره وهمومه ثجيله
وين ذاك الزين بوجيد منحور
زين الوصايف غر وحاطٍ شيله
العشق يا بو أحمد تبي له صدور
وأنا نويت أنفي صدري وشيله

.......................................................................
وسلامتكم وتعيشون

Friday, September 26, 2008

هذي الدنيا فتن


الكل فيها شاير
والذكي عقله طاير
الكل مشتط و ثاير
غيرت نفوس و ضماير
احتارت فيها البصاير


ارحمنا يا رحيم

يا ماخذ زمانه وزمن غيره
و طاير بالدنيا طيره
ما تقولي حالك وش مصيره
مردك لحفره صغيره


أصحا وفهم يا فهيم

هذي الدنيا مظاهر
لا يغرك لبسٍ ظاهر
جانك فارس ماهر

فكر بجنات ربك والنعيم

كثرت فيها ألوان ورسم
واسمين ظهورهم وسم
وملعون راعي الوشم
كلاب تعظ وتشم

حادوا عن دربٍ قويم

دنياك عمروها قبلك بشر
ومحدٍ فيها ظفر
فكر في يوم الحشر
ونار عليها تسعة عشر

ربك سبحانه عظيم

أرضا لو بالقليل
وعلى غيرك لا تعيل
الظالم همه ثجيل
والمظلوم له الجليل


ربي بخلقه عليم
هذي الدنيا فتن
والزمن هو الزمن
الشاطر لها فطن
والغبي فيها طبن
الصبر مفتاح المحن

سبحانك يا كريم

.......................................................................
وسلامتكم وتعيشون

Friday, August 22, 2008

راعي الهوى

مقرود راعي الهوى يصيح ويلاه

يا ويل منهو هدوه ربعه يولي

عليل الحال وا كبر بلواه

يا عين هلي من الصافي هلي

من فوق خدٍ عرف الدمع مجراه

وأنا ما عرفت طريج صاحبٍ لي

يمشي الضرير و ماله إلا عصاه

وأنا حتى جريد ما حصل لي

راعي الهوى مولعٍ جمر بين ثناياه

شِتريا من العذول غير التبلي

الله وأكبر على جرح مدفون بثراه

مرحوم ما لقا ناسٍ عليه تصلي

ماله غير الواحد العالي في سماه

يرحم عبدٍ لجروحه قاعد يفلي

مقرود راعي الهوى يصيح ويلاه

ويا ويل منهو هدوه ربعه يولي

................................................................

وسلامتكم وتعيشون

Friday, August 08, 2008

بوسلمان


السجاجين كثرت على ظهور لجمال
وإن فات الفوت ما تنفع الندامه

طاحت الروس وأكثروا لنذال
ناسٍ ما تعرف المروه ولا شهامه

وربعك وقت الرخا يصبحون رجال
وعند النوايب يا الله السلامه

لا همم بن عم ولا ولد خال
يدفنون روسهم مثل النعامه

إن سكتنا همنا ما تشيله جبال
وان تكلمنا قالوا وراه ما يثمن كلامه

ما نابنا منهم يا بوسلمان غير غربال
الكل حاط على هامته اعمامه

أشباه رجال ما فيهم شيمة رجال
زادوا الهوام يا خوي هامه

والله ما همهم غير أكل المال
مثل المكاين تطحن الفقير بعظامه

وكل زمان يا بوسلمان وله موال
رجال باتوا صقور وصبحوا حمامه
........................................................
وسلامتكم وتعيشون

Thursday, July 24, 2008

يا الله

يا الله ترحم من فوق متنه ذنوب

أنت الواسع و ما تضيق الوسيعه


أنا العبد إلي على أمره مغلوب

يا غفار أغفر لعبدك صنيعه


أنت أدرا بالذي داخله لا هوب

همه احتواه والهم اكبر فجيعه

سبحانك أنت مصرف لدروب

وأحن على عبدك من الأم الرضيعه


يا رافع كرب كل مكروب

مِنّ علينا برضاك يا خالق الوسيعه


بيدك الأمر وقضاك على العبد مصبوب

أنت مالك الملك وحكمك لزمٍ علينا نطيعه

.......................................................................

وسلامتكم وتعيشون