Thursday, May 26, 2005

ليتني طفل

ليتني طفلٍ رضيع توني مفطوم
مايعرف إلا حلو المعاني
**
وشبقى فيني من الأمس واليوم
الجسد فاني وهمي احتواني
**
يلزم علي الدهر تلزوم
اصبر واسمع كل من هجاني
**
محسوب يانفس من عالي القوم
شريفٍ و الكل يحلم بمكاني
**
اصبحت راعي اناظر سما ونجوم
وين الذي بقيته وبقاني
**
هملني وأنا لاشك محروم
وين الثرى ليته خذاني
**
حشى ماظقت لذة النوم
وشلون ينام كل من يعاني
**
لاني مطرود ولا مذموم
حسبي على الوقت إلي لك هداني
**
فرضٍ فرضته وأنا فيه مجزوم
تساوت عندي الساعات والثواني
ـــــــــــــــــــــــــــــــــــــــــــــــــــــ
وسلامتكم وتعيشون

12 comments:

otuydbvckblkh said...

كلمات حلوة بس ليش دايما كلماتك حزينة ؟

مهما اتعقدت المسائل لازم في جانب مشرق
:)

فارس هوى الكويت said...

q8-leo
اختي سؤال وايد حلو بس سامحيني ماقدر اجواب عليه
صدقيني في جوانب وايد مشرقه بحياتي
:)
تحياتي لج والله يعطيج العافيه :)

EsTeKaNa said...

رغم الحزن في كلماتك
سأنظر للجانب المشرق فيها
لعلك تراها معي
تبقى من علية القوم
تبقى شريف
تبقى بمكان يحلم له الجميع
تناظر سما ونجوم
لانك مطرود ولا مذموم
لحظات حزن وبعدها
لم ولن تتساوى الساعات والثواني:)
تحياتي لشاعرنا:)

otuydbvckblkh said...

اكيد من حقك ما تجاوب
و الله يزيد الجوانب المشرقه
:)

فارس هوى الكويت said...

منوره
شكرا لهذا الكلام الحلو
وفعلا الواحد لازم يطالع كل الإتجاهات
:)

Rain Drop said...

يا سلام

كلمات رائعة

أفضل الكلمات

ما خرج من القلب

مع خالص الود

قطرة مطر

فارس هوى الكويت said...

قطرة مطر
اختي اسعدني مرورج
ومشكوره على التعليق الحلو

تحياتي لج
والله يعطيج العافيه :)

ClOuDs said...

كلمات جميلة

و مشاعر راقية

فيلجا said...

فارس

كلماتك وايد حلوة وقريبة من القلب

يعطيك العافيه

فارس هوى الكويت said...

clouds
شكرا على الزيارة
وعلى التعليق الجميل
:)تحياتي لج

فليجا
الله يعافيج اختي
ومشكوره على الزياره
:)

EsTeKaNa said...

اين الفارس؟
افتقدنا مرورك وجديدك
:(

فارس هوى الكويت said...

منوره
شكرج على السؤال عني
وانشالله وعلى امرش
:)