نَعِيْـبُ زَمَانَنَـا وَالعَيْـبَ فِينَـا ..وَمَـا لِزَمَانِنَـا عَيْـبٌ سِـوَانَا ..وَنَهْجُـوا ذَا الزَّمَانِ بِغَيرِ ذَنْـبٍ ..وَلَوْ نَطَـقَ الزَّمَـانُ لَنَا هَجَـانَا ..وَلَيْـسَ الذِّئْبُ يَأْكُلُ لَحْمَ ذِئْـبٍ ..وَيَأْكُـلُ بَعْضُـنَا بَعْضـاً عَيَـانَا
عزي لحال باحت بشكواها
سبت حسين خطف قلبٍ لي
نحت نوح الورق وبالعين جزواها
لا هنا عين ما تناظر صاحبٍ لي
ريم يهل صافي الدمع بطرواها
عزاه واليوف فيه نار تِصِلي
أسمع يا خوي ونتي تشكي ماياها
من جور ربعٍ حرموني ضحكةٍ لي
ليت روحٍ هادم اللذات خذها
ولا فراق سيد العذارى خلي
حسبي الله وكل نفس تلقى جزاها
لوما الملامه جان صحت من زود غلي
أشهد إن النفس صامت عمن سواها
صدى صوتي لويسمعه الميت يهلي
يارب ترحم جروح باحت أبلواها
وتخفف على قلب ساجدٍ يصلي
و الخاتمه اصلي على المصطفى طه
عدد كل سجده سجدها مصلي
.........................................................................................
وسلامتكم وتعيشون
مقرود راعي الهوى يصيح ويلاه
يا ويل منهو هدوه ربعه يولي
عليل الحال وا كبر بلواه
يا عين هلي من الصافي هلي
من فوق خدٍ عرف الدمع مجراه
وأنا ما عرفت طريج صاحبٍ لي
يمشي الضرير و ماله إلا عصاه
وأنا حتى جريد ما حصل لي
راعي الهوى مولعٍ جمر بين ثناياه
شِتريا من العذول غير التبلي
الله وأكبر على جرح مدفون بثراه
مرحوم ما لقا ناسٍ عليه تصلي
ماله غير الواحد العالي في سماه
يرحم عبدٍ لجروحه قاعد يفلي
مقرود راعي الهوى يصيح ويلاه
ويا ويل منهو هدوه ربعه يولي
................................................................
وسلامتكم وتعيشون
يا الله ترحم من فوق متنه ذنوب
أنت الواسع و ما تضيق الوسيعه
أنا العبد إلي على أمره مغلوب
يا غفار أغفر لعبدك صنيعه
أنت أدرا بالذي داخله لا هوب
همه احتواه والهم اكبر فجيعه
سبحانك أنت مصرف لدروب
وأحن على عبدك من الأم الرضيعه
يا رافع كرب كل مكروب
مِنّ علينا برضاك يا خالق الوسيعه
بيدك الأمر وقضاك على العبد مصبوب
أنت مالك الملك وحكمك لزمٍ علينا نطيعه
.......................................................................
وسلامتكم وتعيشون
أنا الذي كنت بحر تسجي ماياتي
واليوم أدور من يسقيني ماياتي
كل يوم اتريا طلته وراه ماياتي
الجسد يا سيدي تراه تقطع وصل
وهذا مرسالي ليته للحبيب وصل
آه من يبشرني يا فارس حبيبك وصل
ويلاه ببعاد القمر تراها إثبرت ماياتي
.........................................................................
يا خوي
دنياك ما هي فله
و الفلس صار عله
صاحبك لو تنباع باعك
وما يفكك غير ذراعك
لا تحسب كل من هز راسه طاعك
شوف اشدبر الوكيح
يا خوي
حوف نفسك بالعدل
لا يغرك قول النذل
يبيك طار وطبل
سد إذنك عن قول القبيح
يا خوي
هذا كلامي وبيانه
لا تطيع هواك وشيطانه
طبب نفسك التعبانه
ومالك غير الواحد سبحانه
جانك تبي تستريح
..................................................................
وسلامتكم وتعيشون
