Wednesday, April 26, 2006

من يتحمل يابشر ؟؟

من يتحمل يا بشر؟؟
ليتهم يدرون عن معنى الهجر
لا تهكم
لا تشكي
لا عذر
بالخيال يمكن تبني لك قصر
أو يمكن تنسى انك بشر
أقولك !
راح تفرج بس شوي صبر
هيهات لو تبجي طول العمر
طبختك فيها غدر
مع أبيات شعر
وعليها حامض نثر
والحلو قهر في قهر
من يتحمل هذا يا بشر؟؟
................
................
من يتحمل ضيم البوارح
والخوف بوسط اليوف جارح
والألم من فيه نصارح
غيمه فيها الهوى سارح
ونظل مع النفس نطارح
حجوه قالتها الجوارح
من يتحمل يا بشر؟؟
...........................................................................
وسلامتكم وتعيشون

33 comments:

EsTeKaNa said...

تجمل بالصبر
وكل امرك لرب هالبشر
يا عسى الرحمن يفرج لك ويجعل من بعد كل ضيقه يسر
:)

سعدت بقراءة شئ جديد
الله يشرح صدرك ويوفقك يارب
:)

lawyer said...

كلام حلو
بسيط وسهل و ممتع

و حمدلله على سلامتك
و مبروك العوده

yoyo said...

روعه يالغالي

يعطيك العافيه

فارس هوى الكويت said...

EsTeKaNa
شنو عندي غير الصبر لعلي احضى بالأجر
ودايما اوكل امري لرب العالمين والحمدلله على كل حال :)
ومشكوره على الدعاء ويزاج الله خير
اختي تحايتي لج والله لا يحرمنا من استكانتج :)
lawyer
الله يبارك فيج ويسلمج اختي ومشكوره على التعليق الحلو :)
وعساج على القوه
yoyo
مشكور على الزياره وانشاالله تكون المدونه اعجبتك اخوي
والله يعافيك وعساك على القوه :)

Bint Ba6inha said...

صح لسانك أخوي

عجبني كثير كلام الأخت إستكانة
كلامها مخدر والله و يعدل الراس

صج إسم علي مسمي


الحمدالله علي السلامة و إنشاء الله يكون هالبوست فاتحة خير عليك و علينا و علي كل من يدخل و يقرا كلامك و رسالتك اللي تبي إتوصلها

الي الأمام بحفظ الله و دمت

فارس هوى الكويت said...

Bint Ba6inha
الله يزاج خير اختي على هذا الإطراء الجميل والله يسلمج إنشاءالله يكون فاتحه خير
اما بالنسبه للأخت العزيزه استكانه اقولج صح اللسانج

تحياتي لج وعساج على القوه وانشاءالله تتكرر الزياره وماتكون الأخيره :)

شرقاوي said...

الحمد لله على السلامة،

عودتك للتدوين محمودة،
بس قوللي، هذي طبخة وعليها حامض نثر، ولا تجربة في معمل كيمياء؟

فارس هوى الكويت said...

شرقاوي

هلا والله بالغالي
الله يسلمك طال عمرك
هذي طبخه من طبخات الزمن وانا خوك قول آمين الله يبعدك عنها وعن امثال
هطبخات ;)
تحياتي لك وعساك على القوه ولا تقاطع :)

BaLqEeS said...

اعلم ان النصر مع الصبر... وان مع العسر يسر

فارس هوى الكويت said...

BaLqEeS

حياج الله اختي بمدونتي المتواضعه
وصدقيني انا مؤمن بالكلام إلي تفضلتي فيه بس الواحد لازم يطلع شي قليل من الي داخله ولا بعدين يتحول حق بركان يدمر كل إلي حواليه

سامحيني على الطواله اختي تحياتي لج وعساج على القوه :)

NaDiA AnZa7a said...

ابداع صراحة .. ماشالله هذا انت اللي كاتبة من مخيلتك؟؟

الله يعينك كل هذا بقلبك
قالها ابوكر سالم مافي احد مرتاح

المهم لازم اتعرف ان يوفى الصابرون اجرهم بغير حساب
ودايما وابدا ربك جعل مع كل عسر يسر
إن مع العسر يسرا

فارس هوى الكويت said...

حياج الله اختي إي والله انا الي كاتبه والله يعين الجميع

ونعم بالله صدقيني انا مويائس بس حبيت اكتب شي قليل من الي مضايقني علشان اخفف شوي

ومشكوره اختي على الزياره وارجو ان تتكرر

تحياتي لج وعساج على القوه :)

Яeema said...

الله علييييييييييك
عييني عليك باردة و الله يحفظك ويسلمك


روعة الصراحة

BaLqEeS said...

لك حق انك تطلع اللي بخاطرك وتنفس عن شعورك....كلامك سرد جمبل يترجم عن احساسك بالالم و المراره
واعلم ان الدنيا دار الابتلاء... و اخيرا تذكر قول الله

ولنبلونكم بشيء من الخوف والجوع ونقص من الأموال والأنفس والثمرات وبشر الصابرين * الذين إذا أصابتهم مصيبة قالوا إنا لله وإنا إليه راجعون ، أولئك عليهم صلوات من ربهم ورحمة ، وأولئك هم المهتدون ) سورة البقرة 155 – 157

فارس هوى الكويت said...

Яeema
الله يسلمج اختي ويحفظج من كل شر
مشكوره اختي على هذا الاطراء الجميل

تحياتي لج وعساج على القوه :)
BaLqEeS
الله يزاج خير اختي على هذا التذكير الطيب وماقول إلا
حسبي الله لاإله إلاهو عليه توكلت وهو رب العرش العظيم
كل التقدير لج وعساج على القوه :)

sarah said...

الله يسلمك
اسلوبك مرة رايق خاصة

:
والألم من فيه نصارح

غيمه فيها الهوى سارح
:
بالتوفيق

فارس هوى الكويت said...

sarah
مشكوره اختي على التعليق الحلو
وهذا من ذوقج الراقي

الله يعطيج العافيه واجمعين انشاءالله

تحياتي لج وعساج على القوه :)

فوضى أفكاري said...

ماشا الله كلمات روعه

هيهات لو تبجي طول العمر
طبختك فيها غدر
مع أبيات شعر
وعليها حامض نثر
والحلو قهر في قهر
من يتحمل هذا يا بشر؟؟
..
يسعدني مروري هنا
:)

فارس هوى الكويت said...

فوضى أفكاري

حياج الله اختي وانا اسعدني اكثر مرورج وتعليقج

تحياتي لج وعساج على القوه:)

G.C.C.United said...

امتلأت هذه الرواية بقصص الحب و الهيام و تأصلت بها معاني التضحية و الوفاء ، و سلت الشجاعه و القوة حسامها الشامخ و أكتسب العدل وقار الصالحين و كانت الحرية معنى لكل من أراد الرفعة و العزة و ضرب بالصبر الأمثال و الحكم وسمي مفتاح الفرج،و لقب الكرم بأسخى الصفات و ماحي المذمات

بس حبيت أوريك جزأ من مقال لي باسم ألف ليلة و ليلة ... و ما نقول الا يا صبر أيوب ... نشكر جهودك

مأمون المغازي said...

ياخي انت فعلاً مو شاعر انت كتلة مشاعر أجدت التعبير عن نفسك فكنت على حق ويالك من مجدد حين تقول:
طبختك فيها غدر
مع أبيات شعر
وعليها حامض نثر
والحلو قهر في قهر
من يتحمل هذا يا بشر؟؟
صورة جديدة وبلاغة راقية في لفظ بسيط وسهل وعامية راقية.
تشرفني زيارتك وتعليقك عندي ولن يمر يوم بإذن الله إلا وأزورك.
تسلم

فارس هوى الكويت said...

G.C.C.United
مشكور اخوي على الزياره
الله يعطيك العافيه
:)
مأمون المغازي

ياخوي والله اخجلتني بتعليقك
وانا الي تشرفت بزيارتك وحياك الله باي وقت

تحياتي لك وعساك على القوه :)

a7La eNG said...

من يتحمل ضيم البوارح
والخوف بوسط اليوف جارح
والألم من فيه نصارح
غيمه فيها الهوى سارح
ونظل مع النفس نطارح
حجوه قالتها الجوارح
من يتحمل يا بشر؟؟


روعة تفوق الوصف .. خاصة هالابيات
الخوف بوسط اليوف جارح
و الالم من فيه نصارح

واااااااي عجيبة لمست شي بداخلي عميق
صح لسانك كلمات ليست كالكلماااات

;)

فارس هوى الكويت said...

a7La eNG

حياج الله اختي وصح بدنج
وهذا من طيبج
الحمدلله الي قدرت اوصل بعض الكلمات

شاكر لج مرورج وحياج الله
ولاتحرمينه من تعليقاتج
تحياتي لج وعساج على القوه :)

R7eeq said...

صح السانك ,


كلمات مؤلمه ,,

استرسال رائع ,,
وكلمات منتقاه بعنايه


ننتظر جديدك


دمت بخير ,

فارس هوى الكويت said...

R7EEQ

حللتي اهلا ونزلتي سهلا
مشكوره اختي على هذا التعليق الطيب

وانشاالله بالقريب العاجل

تحياتي لج وعساج على القوه :)

BaLqEeS said...

:)

mandyingals6462758897 said...

Get any Desired College Degree, In less then 2 weeks.

Call this number now 24 hours a day 7 days a week (413) 208-3069

Get these Degrees NOW!!!

"BA", "BSc", "MA", "MSc", "MBA", "PHD",

Get everything within 2 weeks.
100% verifiable, this is a real deal

Act now you owe it to your future.

(413) 208-3069 call now 24 hours a day, 7 days a week.

bo9ali7 said...

صح لسانك

فارس هوى الكويت said...

بوصالح

صح بدنك الله يسلمك

عساك على القوه اخوي :)

مـهـاوي said...

ليتهم يدرون عن معنى الهجر

صادق والله

:(

محمود عمر said...

This comment has been removed because it linked to malicious content. Learn more.

فارس هوى الكويت said...

مـهـاوي

حياج الله اختي ونورت المدونه

:)

تحياتي لج وعساج على القوه :)