Saturday, August 19, 2006

خواطر ألم

لا تقولون كانت وكنا
إحنا كنا ولا زلنا
نحمل راية الكرامة
لو كنا شيوخ دامه
ونقاتل لأجل الزعامة
وندفن روسنا مثل النعامة
لابد الكل يفج الثامه
ونصرخ صرخة همامة
يا عرب نبي الكرامة؟؟
......
من بمره؟؟
سما لبنان جمره
ونهارها حمره
شعب يعيش بحسره
والطفل يجهش بحره
يا عرب وين الكرامة؟؟
......
أمه طلع منها النبي
وعمر وخالد وعلي
القدس سبوه سبي
آه يا عز العرب والكرامة
.....
غرتكم الدنيا بفتنها
حرشه غرتكم بدهنها
ووقانا امغروا بطنها
وغزه ما تدرون عنها
ما تفيدنا الندامة
......
يا مسلمين العدو فتنكم
نسيتوا بالإسلام عزكم
والله سبحانه ربكم
إن دعيتوه شال همكم
وبجنان الخلد وعدكم
وبنصرة الإسلام أمركم
وبالشهادتين كرمكم
وين كركم وفركم؟؟
كلمة ما ظنيتها تهمكم
!!!طيركم طلع حمامه
..........
وسلامتكم وتعيشون

26 comments:

Sloth said...

raw3a raw3a raw3a

فارس هوى الكويت said...

SLOTH...
عاش من شافج من طول الغيبات ياب الغنايم
مشكوره على التعليق الطيب اختي
ولاتقاطعين
تحياتي لج وعساج على القوه
:)

ReLaaaX said...

لااااااااااا هالمره تماااااااااام :)



اتحفتنا صراحـــــه بجديدك



perfect

BaNgBaNg2 said...

والله ما ادري شنو اقولك
ما خليت لنا شيء انقوله
:)
والله يعطيك الف عافيه على هالشعر
انت المفروض اتسوي لك ديوان
:)
وتحياتي لك
وسن

Charisma said...

ابداع :) يبرد الجبد الكلام

Do*Da said...

رووووعة وايد وايد روووعة
يعطيك الف عافية ابيات جميييلة وفي قمة الاحساس
يعطيك الف عافية

فارس هوى الكويت said...

ReLaaaX
الحمدلله انها حازت على اعجابج
اختي
ومشكوره على التشجيع الطيب
تحياتي لج وعساج على القوه:)
BaNgBaNg2
الله يعافيج اختي ومشكوره على الإطراء الجميل بس ديوان مره وحده ؟؟
تحياتي لج وعساج على القوه :)
kitty
حياج الله اختي هذا كله من ذوقج الراقي :)
Do*Da
الله يعافيج اختي ومشكوره وماقصرتي ارجوا ان هذه الزياره ماتكون الأخيره
تحياتي لج وعساج على القوه :)

yoyo said...

روعه كالعاده
يعطيك العافيه
:)

فارس هوى الكويت said...

هلا والله بدكتورنا
الله يعافيك تومانورت الكويت
تحياتي لك وعساك على القوه:)

مأمون المغازي said...

يا فارسنا

أوجعتنا حين أمتعتنا

تقديري وامتناني

R7eeq said...

رغم كل الذل الذي نعيشه ...


رغم صمتنا ...

رغم جبننا ,,

رغم كل شي ... يظل هناك من يصرخ ..

يظل هناك من يجدد الامل ,, والالم معنا ,,


يظل قلما يلمع ويشتعل ...

ويدمي قلوبنا ...

فنتفاعل معه ..

سلمت يا فارس سلمت


اعجز عن وصف ماشعرت به..

هل تكفى دمعه نزفت هنا .. بصمت شاحب..

كن بخير .. قلما وروحا .

فارس هوى الكويت said...

مأمون المغازي
حي الله شاعرنا واديبنا واخوي وين ياخوك اختفيت عسا المانع خير
لك من كل تقدير
تحياتي وعساك على القوه :)

R7eeq

والله يعجز القلم واللسان عن الرد على تعليقج اختي
والله يسلمك
والدمعه التي ذرفت وسام شرف لهذه المدونه البسيطه
الله يحفظج و يعطيج العافيه
تقبلي مني التحيه :)

sarah said...

ونقاتل لأجل الزعامة
وندفن روسنا مثل النعامة
لابد الكل يفج الثامه
ونصرخ صرخة همامة
يا عرب نبي الكرامة؟؟
.........

احييك فعلا ابدعت
:)

FREEQ8 said...

فارس ...شنهو هذا الكلام الحلو ...وضعت كلامك على الجرح

وينك من زمان ما شفناك...عسى ما شر...حبيت أطمئن عليك يا أخوي

فارس هوى الكويت said...

sarah
حياج الله اختي العزيزه ساره ومشكوره على الإطراء الجميل
تحياتي لج وعساج على القوه :)

FREEQ8
والله ماكو احلى من كلامك طال عمرك
والله ييزاك خير على التعليق الطيب
ماشر اخوي بس تدري الدوام واللويه ماعندي وقت اجابل النت بس ماعليك
امر ساعات على مدونتك وقراها
بس ماتكون عندي فرصه اعلق
شاكرلك على السؤال اخوي
تحياتي وعساك على القوه :))

Cute-Q8i said...

صراحه ايشي ظريف جدا

FREEQ8 said...

مريت أسلم ... وأهديك زهيريه

تراك يازين بالفرقه عي أخطيت
وأبعدت لاماك عننا بالنبى وأخطيت مثلك يسامح زلتي ليمن عليك أخطيت
حبك سطى بضامري من يوم أنا خطي
وأن بعتني بالقلم لشريك بالخطي
كل ما مسكت القلو أكتب لكم خطي
ساحن دموعي وأمحن كل ما خطيت

وسلامتك وتعيش ... ومر على الجزء الاخير

FREEQ8 said...

مريت أسلم ... وأهديك زهيريه

تراك يازين بالفرقه عي أخطيت
وأبعدت لاماك عننا بالنبى وأخطيت مثلك يسامح زلتي ليمن عليك أخطيت
حبك سطى بضامري من يوم أنا خطي
وأن بعتني بالقلم لشريك بالخطي
كل ما مسكت القلو أكتب لكم خطي
ساحن دموعي وأمحن كل ما خطيت

وسلامتك وتعيش ... ومر على الجزء الاخير

فارس هوى الكويت said...

Cute-Q8i
شكرا على المرور اخوي
تحياتي :)

FREEQ8

خوش الزهريه الله يعطيك العافية
وحاظر على امرك بمر عليك انشاءالله :)

barrak said...

رائعه الكلمات
والاروع الانامل التي خطتها
ماشاء الله

فارس هوى الكويت said...

barrak
حياك الله اخوي وجزاك الله خير تبي الصراحه الأروع انك شرفتنا بزيارتك :)

تحياتي لك وعساك على القوه :)

مناره said...

ماشاء الله
لافض فوك ولاكسر قلمك ..
مدونه تريه جدا

فارس هوى الكويت said...

مناره

حياج الله اختي ومشكوره على الزياره وعلى التعليق الطيب

تحياتي وعساج على القوه :)

乂♥Not.ViRGo♥乂 said...

أول زيارة في المدونة
و رأيتها أكثر من رااائعة

إلى الأمام :)

BaNgBaNg2 said...

لااله الا الله ماشاء الله عليك
صح لسانك
وبالتوفيق
:)

Najmah said...

ابداع :)
اللهم اعز الاسلام والمسلمين

تسلم كلماتك