Friday, August 22, 2008

راعي الهوى

مقرود راعي الهوى يصيح ويلاه

يا ويل منهو هدوه ربعه يولي

عليل الحال وا كبر بلواه

يا عين هلي من الصافي هلي

من فوق خدٍ عرف الدمع مجراه

وأنا ما عرفت طريج صاحبٍ لي

يمشي الضرير و ماله إلا عصاه

وأنا حتى جريد ما حصل لي

راعي الهوى مولعٍ جمر بين ثناياه

شِتريا من العذول غير التبلي

الله وأكبر على جرح مدفون بثراه

مرحوم ما لقا ناسٍ عليه تصلي

ماله غير الواحد العالي في سماه

يرحم عبدٍ لجروحه قاعد يفلي

مقرود راعي الهوى يصيح ويلاه

ويا ويل منهو هدوه ربعه يولي

................................................................

وسلامتكم وتعيشون

8 comments:

بـنـت بـطنـهـا said...

الله يا فارس

شوف الصدفة سبحان الله امس كاتبة همسات على نفس القافية ..

صح احساسك ياخوي

" شتريا من عذالي غير التبلي "

عجبتني هالشطرة
اتوقع راح تفتح لي آفاق اكمل اللي بديته امس

فارس هوى الكويت said...

بـنـت بـطنـهـا

حياج الله وصح شعورج اختي

وان شاء الله تكملين الي بديتيه
وراح امر وقراه طال عمرج شاكر تواصلج

تحياتي وعساج على القوه :)

تراب الكويت said...

مقرود

:)

عجبتني الكلمة

المبكي المضحك

صدقني احساسك يلمس القلب بشكل مو طبيعي
خصوصا تلقائية الكلمة

فعلا انت مميز

صح احساسك ولسانك
الله يحفظك ويوفقك

كل عام وانت بخير

يوميات مغتربة said...

صح لسانك :)

شكرا لك

Unknown said...

صح لسانك يا فراس

ومقرود مقرد

ومبارك عليك الشهر

فارس هوى الكويت said...

مغتربه
صح بدنج اختي
وانتي اللي مشكوره على المرور

تحياتي وعساج على القوه :)

mishari
صح بدنك ياخوي

والمقاريد وايد وانا خوك

شاكر لك المرور
وعادك الله على امثاله

تحياتي لك وعساك على القوه :)

BaNgBaNg2 said...

صح لسانك
بس وينك ؟؟
مبارك عليك الشهر وانشاء لله تعوده بصحة وسلامة

بانتظار عودتك
:)

فارس هوى الكويت said...

BaNgBaNg2

صح بدنج اختي
والله موجود طال عمرج بس تدرين رمضان والمشاغل وإن شاء الله ومايصير خاطرج الا طيب

مشكوره اختي على السؤال وعادج الله على امثاله :)

تحياتي لج وعساج على القوه :)