Tuesday, July 01, 2008

نصيحه

يا خوي

دنياك ما هي فله

و الفلس صار عله

صاحبك لو تنباع باعك

وما يفكك غير ذراعك

لا تحسب كل من هز راسه طاعك

شوف اشدبر الوكيح

يا خوي

حوف نفسك بالعدل

لا يغرك قول النذل

يبيك طار وطبل

سد إذنك عن قول القبيح

يا خوي

هذا كلامي وبيانه

لا تطيع هواك وشيطانه

طبب نفسك التعبانه

ومالك غير الواحد سبحانه

جانك تبي تستريح

..................................................................

وسلامتكم وتعيشون


11 comments:

Ra-1 said...

Welcome back!
:)

Mamloo7a Q8ia said...

صح لسانك ياخوي
الناس صار اكبر همها
شلون يجمعون هالفلوس
حلال ولا حرام ما يهمهم
:(

فارس هوى الكويت said...

Ra-1
حياج الله اختي
والله فيج الخير طال عمرج
ومشكوره على المرور الحلو ...


تحياتي لج وعساج على القوه:)

Mamloo7a Q8ia
صح بدنج
هذا حال الدنيا ونا اخوج
الحرام قام يغطي على الحلال وخصوصا بالفلوس

الله يبعدج عن حرامه ويمتعج بحلاله :)

تحياتي لج وعساج على القوه

darkness said...

السلام عليكم

صح السانك
يجزاك الله خير على هالنصيحه
و يرحم الله والدينك


قرر
توكل على خلاق العبيد
وافتكر
قبل لا تصير للنذل صيد
وان احتكموك
اسكت
والا قول راي ٍ سديد
يا اخوي
ترى الريال ما ينعرف
الا بالوقت الشديد

تراب الكويت said...

صاحبك لو تنباع باعك

!!!!!!!!!!!!

تعور القلب والله
على الرغم من إنها واقعية
بس التفاؤل حلو
ونعمة

صح احساسك اخوي

:)

'3air said...

كلمات رائعة
أحسنت
:)

Nescafé said...

شكرا على النصيحة
كلام واقعي

BaNgBaNg2 said...

الله يعطيك الف عافية
ومشكور على النصيحة وصح لسانك
:)

فارس هوى الكويت said...

darkness
اختي الله يجازيج خير وعطيج العافيه
وصح بدنج ومشكوره على هالكلام الطيب
وبالفعل مثل ما تفضلتي
وقت الشدايد تنعرف الرجال
تحياتي وعاسج على القوه:)


تراب الكويت
الله يعطيج العافيه اختي على احساسج المميز وبالفعل التفاؤل نعمه
تحياتي وعاسج على القوه:)


غير
مشكوره اختي على المرور
وهذا من ذوقج جزاج الله خير :)
تحياتي وعساج على القوه:)


Nescafé
اول شي اقول عودا حميدا
وثاني شي اقول الله يعطيج العافيه طال عمرج
تحياتي لج وعساج على القوه
:)

BaNgBaNg2
من طول الغيبات ياب الغنايم
صح بدنج والله يعافيج والعفو :)

تحياتي وعساج على القوه :)

EnG said...

nice

EnG said...

nice