Saturday, July 30, 2005

غربه

عجزت ابكي
عجزت اوصف
عجزت أ لملم جروحي
*****
الله اعلم بنوحي
وابقى للديرة ولهان
..
بعيد عنج يا روحي
اصبحت بقايه انسان
..
ابي اداوي جروحي
تعبت وكثرت الأحزان
..
فقدت أهلي وناسي
آه يا صيحة الشفقان
..
ليلي طويل وقاسي
وعندج ألقى الأمان
..
فيج ألقى إحساسي
إنتي تروين العطشان
..
اصرخ من قمة راسي
صدى ضايع بين الوديان
..
دمعي نشف ضاقت أنفاسي
إنتي الروح والشريان
..
لا تقولين إني لج ناسي
والله للظروف سلطان
..
حبي لج حب جنوني
ولا قيس الي بِليلى هيمان
..
تغربت والغربه ملتني
!!!ديرة ما فيها آذان
..
شلت همي على متني
وين ديرة الخير و العرفان
..
انا منها وهي مني
ديرتي ديرة فرسان
..
يا كويت العبرة خنقتني
آنا ولدج خذيني بالأحضان
.......
وسلامتكم وتعيشون










16 comments:

Eb9ara7a and his Wife said...

صدقت

احنا اللي مغتربين -بال غ مو ال خ- نحس بهالكلمات اكثر من غيرنا

استمر يا فارس

شرقاوي said...



الله يقرب بينكم وبين من تحبون، قولوا إن شاء الله...

(شرقاوي)

Ra-1 said...

والله وين مانروح نوله ونشتاق لديرتنا
:)

فارس هوى الكويت said...

Q8-Leo
صح بدنج
عدل كلامج اختي وشلون الي ديرته الكويت
لازم يبذل علشانها الغالي والنفيس
تحياتي :)

eb9ara7a
مشكور على الزياره اخوي
اي والله محد يحس بقيمه الكويت الا الي يبعد عنها
تحياتي وعساك على القوه :)

شرقاوي
الله يسمعك منك اخوي انشاالله
ومشكور على الزياره الطيبه ودعاء الطيب :)
وعساك على القوه

Ra-1
صح اللسانج اختي
لان عز الوطن عزنا يعلا ويرفعنا
تحياتي لج ومشكوره على الزياره :)

esTeKaNa said...

غريه وديرة ما فيها اذان
كلمات صادقه ومعبره
:(
الغربه اكبر مصيبه ممكن تمر على اي انسان،الغربه بعيد عن الوطن
واحيانا...الغربه وانته في حضن الوطن

فارس هوى الكويت said...

استكانه
اختي كلامج صح يتراوالي غربة بوسط من تحب اكبر من غربة الوطن
ومشكوره على التعليقات الطيبه :)
دامت لنا استكانتج :)

فارس هوى الكويت said...

kuwaity_ra7al
صح بدنك اخوي
مشكور على المرور والتعليق الطيب ياهلا ومرحبا فيك
تحياتي لك وعساك على القوه :)

ArtFiNaLe said...

9a7 lsanek faris...
fe3lan el ghurba 9a3ba welly e3eesh'ha e7es eb qeemat el wa6an.. deeratna yenweleh 3laiha o 3la ahal'ha..
Allah ehawen 3la kel men tegharrab enshallah o yejma3a eb ahala oo a7baba...

فارس هوى الكويت said...

ArtFiNaLe
صح بدنك اخوي
ومشكور على التعليق
وعساك على القوه الله لايبعدك عن ديرتك واهلك
تحياتي لك :)

جنة الحواس said...

7elo and y3awwer el galb ..

نون النساء said...

انا منها وهي مني



روعه روعه يا فارس

صح السااانك

حكاية روح said...

آه ياطعم الغربه وايد مر
بس صادقه اختي استكانه الغربه الي تحس فيها وانت وسط اهلك وديرتك اقسى والله

احب الكويت تستاهل تشتاق لها
الله يرد كل غريب لديرته سالم يارب

مأمون المغازي said...

شلت همي على متني
وين ديرة الخير و العرفان
..
انا منها وهي مني
ديرتي ديرة فرسان
..
يا كويت العبرة خنقتني
آنا ولدج خذيني بالأحضان
.......
هنا بالتحديد جمعت كل شيء أيها الجميل ولم تبق لنا أي تعليق
لكن بعد إذنك إذا سمحت ممكن تضع ( الفرسان ) مكان ( فرسان ) تكون أضبط
لك احترامي وتقديري أيها الموهوب الجميل

Anonymous said...

Excellent, love it!
coverage levaquin Amercian football games Levaquin medication 500mg levaquin zithromax Bsg81880gb vacuum cleaner

Anonymous said...

اه ياكووويت ولهاااانه وربي

الله يرجعنا لها ياااارب

ومشكووور اخوي قلبت المواجع فالقلب

فارس هوى الكويت said...

حياج الله اختي
والله يفوقج ويردج سالمة غانمة
الكويت ماتنسى عيالها
تحياتي لج وعساج على القوه :)