Saturday, July 16, 2005

أم الوردي

غمزت لي وحده لابسه وردي
مزيونه والويه يشع بالظلمه
*****
تشققت وقلت اليوم من قدي
طبني العرق وحاشتني صدمه
*****
قلت شنو هالجمال إلي منج يندي
ما ردت قلت مستحيه ومنصدمه
*****
قعدت أقول كل إلي عندي
قلت شدعوه ردي علي بكلمه
*****
قالت وخر إنت منت قدي
سمعت الصوت قلت ليتها طرمه
*****
والله جنها طاقتني بمردي
قلت انت ريال لو حرمه
*****
قالت نص و نص يابعد كبدي
تعال يمي اسمي نسمه
*****
ياني طراق على خدي
قلت انتي مونسمه انت نقمه
*****
رجفت ووقف شعر يلدي
إخواني وبقيت ألمه
*****
داهن الشعر تقول هندي
طلع ثالث خواته وآنا محترمه
*****
طيري طلع مايجدي
بدال الحباره صاد لي ترمه
*****
الحظ ردي مصدي
ومن مشى حافي تحوشه لجمه
*****
هذا زماني يايدي
ما تعرف الريال من الحرمه
ـــــــــــــــــــــــــــــــــــــــــــــــــــــــــــــــــ
وسلامتكم وتعيشون

13 comments:

esTeKaNa said...

LoOoOOoOooOoOOoOl:)
خوش حجي
تغمز بعد؟
واللله يسون اللي حتى البنات ما يسونه
الحمدلله الذي عافنا مما ابتلاهم فيه وفضلنا على كثير من خلقه تفضيلا


من مشى حافي تحوشه لجمة
حكمة :)

شرقاوي said...



يالحبيب الترمة ولا مردم خثل...

(شرقاوي)

غسان said...

فارس قبل لاتتغزل مرة ثانية أطلب المدنية !! تأكد يامعود شلي جدامك ذكر نثيه مو طايحله غزل بالاخير طلع ذكر;Pp~

Sloth said...

hehehe wa khezyitah !
yalla ma3alaih it9eer ba7san il 3awayil..
ya36eek alf 3afya .. shi3rik as always raw3a ;)

فارس هوى الكويت said...

Q8-Leo
صدقيني انا سمعت واحد منهم كان يتكلم صوته اقرب وانتي بكرامه للكلب جنه ينبح

تحياتي لج :)

EsTeKaNa

شفتي شلون اختي يغمز لي
وإيي والله الحمدلله على العافيه
مشكوره ودامت لنا استكانتج ;)


شرقاوي
مشكور اخوي على الزياره :)


غسان
لامني ورايح بطلبها لاتخاف
الله ياخذهم ماينعرف لهم حتى المدنيه يمكن يزورونها بعد :)

تحياتي وعساك على القوه :)


um_ilma3arik

حياج الله اختي ومشكوره على الزياره


Sloth

الله يعافيج اختي ومشكوره على التعليق الحلو بس على فكره ترى هذي الخاطره من وحي الخيال مو صج

تحياتي لج ;)

ArtFiNaLe said...

LOL hathy thany marra agraha ya faris! o ham atkhayyal el mawqif wath7ak, 9ara7a.. la ta3leeq! allah la yableena bas, oo et3eesh o takhod ghair'ha 7etta law bel khayal.. a7san 3ashan ekather zeyarata hal wa7y wetwanesna eb ketabatek el 7elwa :)
Bas Wardy 3ad! nag9a kesretain dairam :(

Rain Drop said...

هههه يا سلام عليك

عجيبة هالسالفة

أفكارك حلوة :)

ماشاءالله عليك

فارس هوى الكويت said...

ArtFiNaLe
حياك الله اخوي ومشكور على الزياره :)

قطره مطر

عاش من شافج اختي
هذا منظر من مناظر هذا الزمن الي انعيشا ومشكوره على الزياره

تحياتي لج وعساج على القوه :)

qalm-jaf said...

صح السانك
يا عزيزى لكل قاعده شواذ
(:

Ra-1 said...

عجيب ماشالله
:p

فارس هوى الكويت said...

قلم جاف
صح بدنك
وهم انت صح لسانك
%100
عساك على القوه :)

Ra-1
مشكوره اختي على المرور ارجوا ان يتكرر
تحياتي لج :)

مأمون المغازي said...

تصويراتك جميلة يا فارس
من الحين دير بالك
فقد تأتي الريح بما تشتهي السفن

Anonymous said...

Cool guestbook, interesting information... Keep it UP
»