Sunday, July 03, 2005

كتاتة فال

مرت يا حمد تمشي عدال
عباتها ململ والنفنوف قصير
*****
قلت في بالي هذا خيال
ياعين شوفي هل أمر الخطير
*****
سبحان من سواها وزانها بالجمال
شدهتني وجعلت قلبي يطير
*****
دنيت يمها قلت ممكن سؤال
يازينه ودي بقربكم وين بيتكم يصير ؟؟؟
*****
ياحمد ارمقتني بعينها ذيج الغزال
قالتي وخر عن طريجي يا الله طير
*****
قلت والله باقيكم بالحلال
والله اعلم بحالي هو فيني بصير
*****
ضحكت وقالت ياالله تعال
صارت تقودني اتقول كسير
*****
دخلت بيتهم ولا متروس يهال
قلت اخوانج يا ذا البدر المنير ؟؟
*****
قالت هذول عيالي طاح حظك ومال
قلت كلهم قالت إيي ياملعون الصير
*****
نشف عظمي وحاشني زلزال
غشيم وانا اعد نفسي خبير
*****
عيوز مركبه وظروسها طوال
يوم شالت البرقع طلعت خبزٍ خمير
*****
خشمها يا حمد تقول فندال
ناقصها مخمه ياخوي وتطير
*****
هذي قصتي مع كتاتة فال
حسبت اني مفتح طلعت ضرير
*****
دنا صوبي حمد وقال
وين ذيج الفطانه يافقير
*****
هذي دقه سواها فيك الريال
قالي بعد ما انبه الضمير
*****
كنت عند نفسي شاطر وطيحتي محال
واصبحت قطو طقوه ابمصير
ــــــــــــــــــــــــــــــــــــــــــــــــــــــــــــــــــ
وسلامتكم وتعيشون

13 comments:

Sloth said...

loooooooooooooooool !!!
alla ya faris .. 9ij tha7akt min galby ! hehehe hathy 9ij raw3a !

3ad la66awil il ghaiba .. ;)

Ra-1 said...

hahha maskeen :p

who wrote this?

فارس هوى الكويت said...

sloth
مشكوره اختي على الزياره وعلى التعليق
وانشاالله ماراح اتطول الغيبه

ra-1
ترى هذي من وحي الخيال وانا إلي كتبتها اختي انشالله اعجبتج :)
تحياتي :)

فارس هوى الكويت said...

q8-leo
حاظر اختي احاول اني اكتب شي يونس وبتعد عن الي يضيق الخلق
:)
تحياتي لج وعساج على القوه :)

esTeKaNa said...

لوووووووووول
يا سلام خوش قصيدة
شاعر متنوع:)

غسان said...

خوش قِصيدة:)

بس طافت علي جم كلمة ....

شدهتني تقصد فيها شدتني؟:)
فندال ولا فنيال؟:)
شنقصد في ابمصير؟:)

للأمانة أنا خفت منها من عقب ماقالتلك يالله طير، حسيتها امهاوشجيه:P

فارس هوى الكويت said...

استكانه
اي والله حبيت اغير هل المره
مشكوره على الزياره
ودامت لنا استكانتج ;)

غسان
اشدهتني ممكن تقول شدتني وممكن اتقول نوع من الذهول يعني لها اكثر من معنى بس على فكره هذي الكلمه نادر ماتنطق الحين لأنها قديمه شوي وتستخدم بكثره عند اخوانا اهل البحرين
لا قصدي فندال وإلي الحين يسمونه بطاط حلو عند البعض بس الغالبيه يعرفونه بالفندال

ابمصير : قصدي مصير او مصران وهذا على فكره مثل معروف وقديم

عساني قدرت اشرح عدل معني خربوطه بالشرح سامحني ياخوي
وإذا في شي انا بالشوفه وحاظر
ومشكور على الزياره :)

qalm-jaf said...

صح السانك
مادرى ليش تذكرت اغنيت عبدالله فضاله العجايز

فارس هوى الكويت said...

qalm-jaf
صح بدنك اخوي
اغاني ذاك الزمان حلوه ولها مغزى ومعنى عكس اغاني هذا الزمان

وعساك على القوه ومشكور على الزياره :)

Rain Drop said...

وناسه :D

ضحكت من قلب

ماشاءالله عليك

يالله نبي بعد :)

فارس هوى الكويت said...

اهلا وسهلا اختي قطرة مطر
وان شاء الله
مشكوره على الزيارة :)

ArtFiNaLe said...

Gawwak allah Faris Hawa 3la hal abyat el 7elwa..
Kather men hal qa9ayed elly tarsem ebtesama 3la wyooh kel min yegraha..
3asak 3al guwwa oo lat6awel 3laina belly ba3adha :)

فارس هوى الكويت said...

ArtFiNaLe
حياك الله اخوي وتشرفنا في هذي الزياره
وحاظر انشاالله ماراح اطول :)

تحياتي وعساك على القوه :)