قالوا لي انت شاعر وانا بصراحه مومقتنع اقول اني صديق للقلم لااكثر ولا اقل اي شي يطري علي أو اشوف شي اكتب عنه ..
وهذا الي انا كتبته
....
ساير ياصاح الزمن وهله...إنصعب لزمن عليك تو وهله
وإن جار عليك قل هلا ومرحبا وهله ...راح يجيك يوم تعرف مكانك ودارك
حتى لو بعدت عن اهلك وربعك ودارك ...وهذا الزمن ومردك دارك
الدار دارك وهذا الزمن وهله
......
فكر بالزمن ياصاح وفرده...وخذلك منه نمونه وفرده
كم و كم ماعرف صاحبه وفرده...وهذي ملامح زمن حالي
هذا زمنه يالله نفسي وحالي...ماهمهم ياصاح حالك وحالي
صحح مسيرك وفرده لايكون حالك كما حالي
........
بيني وبين إلي أوده نافذه...شفافه روحه وللعالم نافذه
لودرى معزته في قلبي نافذه...حشا ماغاب عن بالي ليله
وحالي كما إبن الملوح مع ليله...ماتغفي العين وإنت غايبٍ ليله
بالي يزورك كل ليلةٍ ليله...ارجوك خلني صاحبك ليله
وأنا انصبت في ليله وحكمت الله في عبده نافذه
ـــــــــــــــــــــــــــــــــ
وسلامتكم وتعيشون هذا بعض الي كتبته
2 comments:
صح لسانك يا صديق القلم
أجمل ما في تلك الكلمات انها تنبض عفوية وواقعية وفيها الكثير من لهجتنا الحلوة
:)
كتابة تبشر بالخير
بانتظار الجديد
ويعطيك الف عافية ومبروك على هالبلوق
:)
منوره
صح بدنش
مشكوره وماقصرتي على هذا الكلام الحلو
ووعدش ان شاء الله بالجديد والله يبارك فيش :)
Post a Comment