Friday, August 08, 2008

بوسلمان


السجاجين كثرت على ظهور لجمال
وإن فات الفوت ما تنفع الندامه

طاحت الروس وأكثروا لنذال
ناسٍ ما تعرف المروه ولا شهامه

وربعك وقت الرخا يصبحون رجال
وعند النوايب يا الله السلامه

لا همم بن عم ولا ولد خال
يدفنون روسهم مثل النعامه

إن سكتنا همنا ما تشيله جبال
وان تكلمنا قالوا وراه ما يثمن كلامه

ما نابنا منهم يا بوسلمان غير غربال
الكل حاط على هامته اعمامه

أشباه رجال ما فيهم شيمة رجال
زادوا الهوام يا خوي هامه

والله ما همهم غير أكل المال
مثل المكاين تطحن الفقير بعظامه

وكل زمان يا بوسلمان وله موال
رجال باتوا صقور وصبحوا حمامه
........................................................
وسلامتكم وتعيشون

12 comments:

esTeKaNa said...

مبدع مبدع
!!
سعيده جدا بابداعك المتجدد يا فارسنا
الله يحفظك يارب

يوميات مغتربة said...

صح لسانك :)

فارس هوى الكويت said...

استكانه
جزاج الله خير ويحفظج الله اختي من كل شر

وانا اسعد بمرورج طال عمرج

دامت لنا استكانتج :)

يوميات مغتربة

صح بدنج وسعيد جدا على التواصل اختي

تحياتي وعساج على القوه :)

Mamloo7a Q8ia said...

اي والله
صاااااج ياوخيي
مع الاسف هذا اللي وصلنا له
تسلم ايدك
مبدع ما شاء الله عليك

فارس هوى الكويت said...

Mamloo7a Q8ia
هذا يا أختي شي من لا شي والخافي اعظم
الواحد كل يوم يكتشف نماين يديده الله يرحم الحال
وجزاج الله خير على الاطراء الطيب
حياج الله ونورتي المدونه طال عمرج

تحياتي لج وعساج على القوه :)

بـنـت بـطنـهـا said...

صح احساسك

فارس هوى الكويت

تمتلك مقومات جيدة

اياك التفرطة فيها

ومنا إلى بو سلمان :)

تراب الكويت said...

رائع
رائع
رائع

في الصميم والله

مشهد من واقع الحياة المزعج والمزدحم بالإدعاءات

الله يقويك ويحفظك

استمر فأنت تملك الكثير

:)

فارس هوى الكويت said...

بنت بطنها

صح شعورج
وجزاج الله خير اختي على الكلام الطيب والتشجيع
تحياتي لج وعساج على القوه
:)

تراب الكويت

حياج الله اختي وقواج الله
والله يعطيج العافيه على المرور والتشجيع
تحياتي وعساج على القوه :)

ReLaaaX said...

عورت قلوبنا يافارس :/

فعلاً هذااللي حاصل





بس مايمنع ان يكون فيه ناس مثل الذهب :))

فارس هوى الكويت said...

ReLaaaX
اول شي حمدلله على السلامه اختي

صح كلامج طال عمرج لو خُليت خُبربت

مشكوره على المرور وارجوا ان يتكرر اختي

تحياتي وعساج على القوه :)

Unknown said...
This comment has been removed by the author.
Unknown said...
This comment has been removed by the author.