Tuesday, June 21, 2005

ذكرى


دمعي تفجر من ذكرت طاريه
ياخذني شوقي لِحلو الوصايف
*****
دمع الحشا محدٍ درا فيه
الوقت عندي معجف عجايف
*****
اقفى وخلاني بالهم وبكاويه
إنصفوني يا أهل النصايف
*****
الهم بيوفي اخشه ولا وين اوديه
سطرت ايامي على بيض الصحايف
*****
نصفوني ولا بشيل قلبي وبنفيه
خبروه يا هلي تراه عنده لايف
*****
لو يشيب الراس ماني ناسيه
وين ريم الفلا ترف الشفايف
*****
ذبحني زريف الطول بطواريه
همت بدنياه وحق دنياي عايف
*****
هذا زماني وهذي بلاويه
حالتي قشره والوقت عندي زايف
*****
حبه سطا قلبي وماني بقاويه
الروح عنده والجسد بقصر نايف
ــــــــــــــــــــــــــــــــــــــــــــــــــــــــ
سلامتكم وتعيشون

4 comments:

نون النساء said...

دمعي تفجر من ذكرت طاريه
ياخذني شوقي لِحلو الوصايف
*****
دمع الحشا محدٍ درا فيه
الوقت عندي معجف عجايف
*****
اقفى وخلاني بالهم وبكاويه
إنصفوني يا أهل النصايف

.
.
.

صح الساانك يا فارس قصيدة حلوة وايد

يعطيك العافية

esTeKaNa said...

هذا الشوق والذكريات
تفجر الدمعه
وتستفز الابداع
فيأتي قلمك يصيغ الاحساس بهذة الكلمات الرائعة
دمت لنا شاعرنا:)

maha said...

صح السانك

=)

فارس هوى الكويت said...

استكانه
اختي الصراحه الواحد مايعرف يرد على تعليقاتج الحلوه
الله يعطيج العافيه وعساج على القوه
تحياتي
ودامت لنا استكانتج
:)


مها
صح بدنج اختي ومشكوره على الزياره :)